15.09.2021

Montenomaks ponovo podržao akciju "Podijelimo, jer zajedno možemo više"

Montenomaks je podržao akciju "Podijelimo, jer zajedno možemo više" besplatnom distribucijom paketa sa školskim priborom za djecu iz socijalno ugroženih porodica.

Udruženje Roditelji realizovalo je 11. akciju "Podijelimo, jer zajedno možemo više" sa ciljem obezbjeđivanja pomoći socijalno ugroženim porodicama. Oko 650 mališana dobilo je nove sveske, bojice, knjige i ostali pribor za uspješan početak školske godine.

„Montenomaks tradicionalno učestvuje u ovoj akciji, već nekoliko godina unazad. Do ove godine, učestvovali smo i doniranjem kompleta polovnih udžbenika, ali kako su od ove godine za sve osnovce udžbenici obezbijeđeni od strane države, nije bilo potrebe za tim. Ipak, kao i preko cijele godine, ostali smo na raspolaganju za pružanje besplatne dostave kada su u pitanju humanitarni paketi. Naša saradnja sa Udruženjem Roditelji je višegodišnja i veoma korisna, nadamo se za cijelu društvenu zajednicu.“, rekla je Sara Fetić Mujagić, asistent kvaliteta u Montenomaksu.

Realizaciji ove akcije su doprinijeli i humani pojedinci, kao i društveno odgovorne kompanije.